Bures boahtin nuvttá konsertta gullat Elina Ijásain!
Giellavahku oktavuođas Várdobáiki bovde liekkus musihkka vásáhussii
Elina Ijäs lea nuorra artista ja lávllačálli geas leat čanastagat Guovdageidnui ja Gáivutnii. Su jietnagovva lea orgánalaš ja earenomáš, masa viežžá ollu inspirašuvnna sihke alternatiiva pop ja folk šaŋŋeriin, luođis ja iežas vásáhusain.
Diibmá čakčat almmuhii son iežas vuosttaš EP, Luoitte, mas son suokkardallá dakkár fáttáid go identitehta, gullevašvuohta ja áibbašeapmi. Eatnigiella lea su váimmu lagamusas ja čállá son davvisámegillii. Elina musihkka fátmmasta sihke persovnnalaš ja kollektiiva áššiid, ja gaskkusta dovdduid mat olahit earágielagiid maid.
Elina lea bajásšaddan sihke mearrasámi ja siseatnan kultuvrrain, ja viežžá ollu inspirašuvnna árbevieruin, luonddus ja iežas vásáhusain. Musihka bokte lokte son sámivuođa ja láhčá saji gos giella, kultuvra ja dálááigi deaivvadit.
2024:s nammaduvvui Elina Dán jagi nuorra artistan Sámi Music Awardsas, ja leage šaddan gelddolaš ođđa jietna Sámis. Golggotmánus almmuhii son iežas vuosttaš EP, Luoitte, mas golbma lávlaga leat ávžžuhuvvon NRK P3 Urørtas.
Dál illuda Elina čuojahit Várdobáikkis, ovttas čuojaheddjiin, Maja Lund Olstad.
—————–
Velkommen til gratis konsert med Elina Ijäs!
I forbindelse med Giellavahkku (Språkuka) inviterer Várdobáiki til en hyggelig musikkopplevelse!
Elina Ijäs er en fremvoksende samisk artist og låtskriver fra Kautokeino og Kåfjord. Med et organisk og særegent lydbilde beveger hun seg mellom alternativ pop og folk med inspirasjon fra joik, og egne erfaringer.
Høsten 2025 ga elina ijäs ut sin debut-EP Luoitte. Låtene utforsker temaer som identitet, tilhørighet og lengsel, formidlet gjennom ærlige tekster og melodier på nordsamisk, det språket som føles mest sant for henne. Musikken hennes rommer både det personlige og det kollektive, og formidler følelser som strekker seg på tvers av språk. Med rødder i både sjøsamisk kultur og oppveksten på vidda henter elina inspirasjon fra tradisjoner, landskap og egne erfaringer. Gjennom musikken løfter hun frem samisk identitet og skaper et uttrykk der språk, kultur og samtid møtes.
I 2024 ble elina ijäs kåret til Årets unge artist under Sámi Music Awards, og hun har markert seg som en artist det er verdt å følge. Tre av låtene fra debut-EP-en har vært Urørt-anbefalte hos NRK P3, og i år spilte hun på Øyafestivalen, en av Norges største festivaler.
Nå tar hun med seg Luoitte og flere låter til scenen på Várdobáiki, sammen med musiker Maja Lund Olstad.
