Sámi leairaskuvla lea ođđa prošeakta maid Várdobáiki geahččala dán jági. Nuoraidskuvlla oahppit geain lea sámegiella skuvllas bovdjevvojedje oassálastit moadde beaivásaš leairaskuvlii ja idjadit lávus.

Jurdda lea ahte oasseváldit galget beassat hárjehallat sámegiela hupmat praktihkalaš doaimmaid bokte. Earet eará besset sii leahkit mielde sámi biepmuid reidet, oahppat juoigat ja lávlut, oahppat bárgidit, meahcis viežžat soabbe-ja dávge-ávdnasa, ráhkadit dávggi ja oahppat dáinna vuohčit ja vel njoarostit. Sii besse čoaggit juomuid ja vuoššat jukca. Báikkálaš olbmut ledje mielde ressursaolmmožin, sihke giela oahpahit, historjjá ja máidnasiid muitalit. Várdobáiki lea hui duhtavaš dainna ovttasbargguin.

Oasseváldit iežaset evaluerema mielde lea fálaldat ožžon buori árvvoštallama. Ja  

Prošeakta joatká boahtte skuvllajagi. Mii áigut boahtte čávčča  fállat leairaskuvlla sihke nuoraidskuvlla ja joatkkaskuvlla ohppiide.