Rabas virgi: Giellakonsuleanta, bistevaš virgi, 100 %

Várdobáiki sámi guovddáš

Várdobáiki sámi guovddáš lea Skánis, Dielddanuori suohkanis. Várdobáikki ulbmil lea seailluhit ja hálddašit sámi giela, historjjá, kultuvrra ja servodateallima regiovnnas. Guovddážis leat guhtta ossodaga: giellaguovddáš, mánáidgárdi, musea, dearvvašvuohta, kultuvra ja opmodat. Várdobáikkis leat sullii 20 bargi, dalle lea prošeaktabargit maid lohkkon. Giellaguovddážis leat 2,5 bistevaš virggi ja 2 prošeaktavirggi juste dal.  Dasa lassin virgádit eanet olbmuid go lea dárbu.

Giellakonsuleanttas lea ovddasvástádus ovttas giellaguovddášhoavddain plánet ja čađahit giellabargguid čadnon  gielladoaimmaide sihke kánturbáikkis ja olggobealde kantuvraseinniid. Várdobáiki sámi guovddážis lea kreatiiva biras mas leat gelddolaš bargodoaimmat iešguđetge fágasurggiin. Várdobáiki lea organiserejuvvon dan láhkai ahte lea ollu ovttasbargu gaskal ossodagaid.

Bargodoaimmat: 

Giellakonsuleanta galga bargat iešguđege gielladoaimmaiguin.

Barggut fátmmastit ovdamearkka dihte:

  • Plánet ja čađahit giellakurssaid ja eará gielladoaimmaid buot ahkejoavkkuide
  • Vuolggahit ja jođihit prošeavttaid ja doaimmaid
  • Jorgalanbarggut
  • Leahkit mielde ovdánahttit guovddáža
  • Ovttasbargat eará aktevrraiguin, ovdamearkka dihte Sámedikkiin ja suohkaniiguin seailluhan dihte sámegiela regiovnnas

Sávahahtti gelbbolašvuođat

  • Gáibiduvvo ahte lea formála gelbbolašvuohta sámegielas
  • Virgáiguoskevaš oahppu, gelbbolašvuohta ja bargovásáhus
  • Lea ovdamunni jus leat prošeaktajođihanbargovásáhusat
  • Gelbbolašvuohta báikkálaš sámegiela suopmanis, duortnusssámegielas lea ovdamunni
  • Ovdánahttin- ja boađusáŋgirušši, mearrediđolaš, struktuvrralaš, ovttasbargodáhttu, iešheanalaš ja vuolggahangálga
  • Máhtut ja persovnnalaš heivvolašvuohta deattuhuvvo

Heivvolaš ohccit gohččojuvvojit jearahallamii. Bálká šiehtadusa mielde. Kánturbáiki: Skánik

Eanet dieđuid virggi birra oaččut jus válddát oktavuođa giellaguovddášnjunožiin Ann-Mari Thomassenin 77085657 / 90057123 vai beaivválaš jođiheddjiin Kjersti Myrnes Baltoin 76985020/ 41503529.

Ohcanáigemearri: 17.01.2020. Virgáibidjan jođánepmosit.

Ohcan oktan CV:in sáddejuvvo e-boastan čujuhussii: kjersti@vardobaiki.no