Rabas virgi

Rabas virgi, Várdobáiki sámi giellaguovddáža jođiheaddjin


Várdobáiki sámi guovddáš – samisk senter ásahuvvui Evenášši suohkanis 2002:s. Várdobáikki ulbmil lea seailluhit ja hálddašit sámi giela, historjjá, kultuvrra ja servodateallima regiovnnas. Guovddážis leat guhtta ossodaga: giellaguovddáš, mánáidgárdi, musea, dearvvašvuohta, kultuvra ja opmodat. Várdobáikkis leat sullii 20 bargi, dalle lea prošeaktabargit maid lohkkon.

 

Várdobáiki ásaha 2018 giđa jođiheaddjivirggi giellaguovddážii. Jođiheaddjis galgá leat ovddasvástádus giellaguovddáža fágalaš ja hálddahuslaš doaimmas.

Giellaguovddážii galget leat čadnon guokte fásta jahkedoaimma. Dasa lassin sáhttet vel virgáduvvot liigeresurssat jus lea dárbu. Giellaguovddáža jođiheaddjis galgá leat ovddasvástádus virgádeapmái.
Doaimmat:

  • Plánet ja čađahit giellaguovddáža beaivválaš doaimma hálddahuslaččat ja fágalaš ovddasvástádusain. Virgi galgá gozihit hálddahusdoaimmaid, virgádeami, prošeaktajođiheami, bargi- ja bušeahttaovddasvástádusa mii lea čadnon giellaguovddážii
  • Plánet ja čađahit giellakurssaid ja eará gielladoaimmaid buot ahkejoavkkuide
  • Vuolggahit ja jođihit prošeavttaid ja doaimmaid
  • Ovdánahttit guovddáža
  • Ovttasbargat eará aktevrraiguin, ovdamearkka dihte Sámedikkiin ja suohkaniiguin seailluhan dihte sámegiela regiovnnas

Várdobáiki sámi guovddážis lea kreatiiva biras mas leat gelddolaš bargodoaimmat iešguđetge fágasurggiin. Várdobáiki lea organiserejuvvon dan láhkai ahte lea ollu ovttasbargu gaskal ossodagaid.

Ollu doaimmat leat čadnon doaimmaide ja doaibmabijuide mat leat olggobealde kantuvraseinniid.


Sávahahtti gelbbolašvuođat

  • Gáibiduvvo ahte lea formála gelbbolašvuohta sámegielas ja buorre čálalaš ja gielalaš ovdanbuktinákca
  • Virgáiguoskevaš oahppu, gelbbolašvuohta ja bargovásáhus
  • Jođiheaddji- ja prošeaktajođihanbargovásáhusat
  • Gelbbolašvuohta báikkálaš sámegiela suopmanis, duortnusssámegielas
  • Ovdánahttin- ja boađusáŋgirušši, mearrediđolaš, struktuvrralaš, ovttasbargodáhttu, iešheanalaš ja vuolggahangálga
  • Máhtut ja persovnnalaš heivvolašvuohta deattuhuvvo

Heivvolaš ohccit gohččojuvvojit jearahallamii. Bálká šiehtadusa mielde.

Eanet dieđuid virggi birra oaččut jus válddát oktavuođa beaivválaš jođiheddjiin Kjersti Myrnes Baltoin 76985020/ 41503529.

Ohcanáigemearri: 23.04.2018. Virgáibidjan jođánepmosit.

Ohcan oktan CV:in sáddejuvvo e-boastan čujuhussii: kjersti@vardobaiki.no dahje
Várdobáiki, Normann Skoglunds vei 13, 8536 Evenášši ovdal 23.04.2018.