Bures boahtin sámi mánáidjovkui ja nuoraidjovkui! Fysalaš doaimmaheapmi ja luonddugeavaheapmi sámi mánáide ja nuoraide

Čuoiganmátki, tae-kwon-do, gizzun, njoarosteapmi, gárddástallan, drama, áibarassan, ijastallanmátki, reidet biepmu luonddušattuin, duddjon, fanasmátki, mearrabivdu ja alitmátki leat doaimmat man Várdobáiki sámi guovddáš fállá mánáide ja nuoraide dán jagi.

Fálaldat lea organiserejuvvon dan láhkai ahte leat deaivvadeamit oktii mánus, ja leat sidjiide geat leat 2. luohkás ja gitta 18 jahkásaččaide, juhkkojuvvon mánáidjovkui ja nuoraidjovkui.

Mánáidjoavku lea sidjiide geat leat 2.-7. luohkás.

Nuoraidjoavku lea sidjiide geat leat 8. luohkás ja gitta 18 jahkásaččaide.

Vuosttaš deaivvadeamit leat guovvamánu 1. ja 2. b. Stuornjárgga sámi duoji lanjain Vuopmegeažis. Dalle galget buohkat duddjot alcceseaset niibeboahkána.

Mánnodaga guovvamánu 1. b. dii. 17:30-20:00 lea Mánáidjoavku.

Disdaga guovvamánu 2. b. dii. 17:30-20:00 lea Nuoraidjoavku.

Lea guovddážis ahte biepmu mii guossohuvvo lea dearvvašlaš, álki reidet ja árbevirolaš sámi biepmu.

Fálaldat lea buot mánáide ja nuoraide, iige gáibiduvvo ahte máhttá sámegiela searvat. Buohkat ožžot vejolašvuođa oahppat sániid ja dadjanvugiid sámegillii mat gullet doaimmaide. Ja muđui lea midjiide lunddolaš geavahit nu ollu sámegiela go vejolaš.

Leat Tone Elvebakk, Beatrice Fløystad ja Janne Olsby guđet jođihit joavkkuid.

Mii sávvat sihke ovddeš ja ođđa oasálastiide bures boahtima! Ja mii illudat sakka deaivvadit fas dinguin ja ođđa oahpásmuvvamiidda!

Geahčča das eambo dieđuid ja jahkebeaiplánaid: Bures boahtin sámi mánáidjovkui ja nuoraidjovkui!